|
|
|
Forsíða
FRÉTTIR
Nýr starfsmaður [2012-05-14]Ásdís Huld Helgadóttir hefur verið ráðin til starfa sem þjónustustjóri hjá Landskerfi bókasafna hf. og mun hún hefja störf í lok júlí 2012. Hún tekur við starfi þjónustustjóra af Telmu Rós Sigfúsdóttur sem hefur tekið að sér umsjón leitir.is.
Ásdís Huld útskrifaðist úr bókasafns- og upplýsingafræði frá Háskóla Íslands árið 2000. Frá þeim tíma hefur hún starfað á Bókasafni Hafnarfjarðar þar sem hún hefur haft umsjón með tölvu- og tæknimálum safnsins auk þess að sinna vefumsjón og upplýsingaþjónustu. Ásdís hefur víðtæka þekkingu og reynslu af bókasafnakerfinu Gegni.
Telma Rós hefur starfað hjá Landskerfi bókasafna frá árinu 2006. Auk þess að vera menntuð sem bókasafns- og upplýsingafræðingur er hún með kennaramenntun.
Tölulegar upplýsingar úr bókfræðigrunni Gegnis fyrir árið 2011 [2012-05-02]Greinargerð um söfnun tölulegra upplýsinga úr bókfræðigrunni Gegnis fram til loka árs 2011 er tilbúin. Þetta er sambærileg samantekt og tekin hefur verið saman undanfarin ár undir sama heiti "Tölur úr bókfræðigrunni Gegnis - Greinargerð um söfnun og úrvinnslu tölulegra upplýsinga til ársloka 20XX”. Tölfræðin tekur til heildarskráningar í bókfræðigrunninn án tillits til einstakra aðildarsafna. Greinargerðin er afrakstur samstarfs Landsbókasafns Íslands - Háskólabókasafns og Landskerfis bókasafna hf. Nálgast má greinargerðirnar á slóðinni
Tölur úr Gegni.
Gegnir - Árslokatölfræði fyrir árið 2011 [2012-04-04]Tölfræði fyrir Gegni vegna ársins 2011 er nú aðgengileg á þjónustuvef Landskerfis bókasafna, sjá Talnagögn um árið 2011.
Útlán drógust lítillega saman á milli áranna 2010 og 2011. Þessi samdráttur hófst árið 2010 en fram að þeim tíma var aukning útlána á milli ára umtalsverð. Erfiðara er að túlka tölur um fjölgun eintaka og titla þar sem þessar tölur hækka alla jafnan á milli ára. Þó er ljóst að skráðum titlum fjölgar hægar en áður þrátt fyrir að umtalsverðu magni af bókfræðifærslum sé nú hlaðið vélrænt inn í kerfið, sjá nánar í fréttatilkynning árslokatölfræði.
|
Skrifstofa Landskerfis bókasafna hf. er opin frá 9-17 alla virka daga.
|
|
|
