Ný þjónustugátt

Um þessar mundir fer fram breyting á þjónustugáttinni okkar. Á bak við tjöldin mun þjónustugáttin flytjast yfir í kerfið Freshdesk frá fyrirtækinu Freshworks. Breytingin snýr fyrst og fremst að starfsfólki Landskerfis, en viðskiptavinir okkar munu einnig verða varir við breytingarnar.

Starfsfólk safna getur áfram sent þjónustuerindi með tölvupósti.

Markmiðin með breytingunni eru fyrst og fremst:

• Aukin skilvirkni og hraði í svörun þjónustubeiðna (verkbeiðna)
• Aðgengilegri og ítarlegri leiðbeiningar fyrir starfsfólk safna
• Starfsfólk bókasafna getur sett upp flýtileið í leiðbeiningar og fyrirspurnaform inni í starfsmannaaðgangi Gegnis

Eins og með allar breytingar þá fylgir þessu svolítið rask á næstunni. Meðal þess sem starfsfólk safna getur átt von á er að fá tölvupóst um að búið sé að útbúa aðgang fyrir þau í nýrri þjónustugátt. Allt starfsfólk er hvatt til að virkja aðganginn og velja sér lykilorð. Virkur aðgangur gefur kost á að fylgjast með og svara þjónustubeiðnum ásamt því að búa til nýjar. Einnig er hægt að fá aðgang að öllum beiðnum sem tengjast sama safni (óháð sendanda), en sú stilling er háð samþykki yfirmanns safnsins.
Athugið: Eftir sem áður verður hægt að svara beiðnum með tölvupósti í stað þess að skrá sig inn á þjónustugáttina.

Aðgangur að nýju þjónustugáttinni verður fyrst um sinn ótengdur aðgangi að eldri þjónustuvef, en vonir standa til að tengja þetta tvennt saman síðar.