Saga

Núverandi útgáfa Sarps, Sarpur 4.0, er sú fjórða í röðinni.

Fyrsta útgáfa kerfisins, Sarpur 1.0, var  tekin í notkun 1998 og önnur útgáfan, Sarpur 2.0, árið 2002. Sama ár var stofnað rekstrarfélag meðal gagnaeigenda Sarps. Þjóðminjasafn Íslands smíðaði fyrstu og aðra útgáfuna í samvinnu við hugbúnaðarfyrirtækið Hugvit hf. 

Sarpur 3.0 var tekinn í notkun 1. apríl 2011 og var veflægt kerfi sem þróað var af Þekking-Tristran hf. Smíði Sarps 3.0 lauk 25. október 2012.  Næstu árin fóru í lagfæra ýmsa agnúa á kerfinu en 22. desember 2015 var gengið frá formlegum verklokasamningi á milli Rekstrarfélags Sarps og Þekking-Tristran hf.  Í framhaldi af verklokasamningi var samið við PES ehf. um þróun og viðhald kerfis og stóð það samstarf til 1. mars 2018. Á þeim tímapunkti færðist þróun og viðhalds Sarpur 3.0 yfir til Prógramm ehf. sem síðar sameinaðist Apro. Aðgangur almennings í gegnum vefslóðina sarpur.is var opnaður með formlegum hætti 25. september 2013.  Árið 2014 hlaut Rekstrarfélag Sarps Íslensku safnaverðlaunin fyrir vefinn sarpur.is.

Árið 2025 opnaði innra og ytra kerfi Sarps í nýjum búningi en þá leit Sarpur 4.0 dagsins ljós. Hann byggir á hugbúnaðarlausnunum MuseumPlus og eMP frá evrópska fyrirtækinu Zetcom. Kerfinu voru valin að undangengnu útboði á EES.