2

Main content

main

Nýr þjónustuvefur

Þjónustuvefur fyrir starfsfólk aðildarsafna Gegnis og Sarps

Þá er komið að því að stofna aðgang að þjónustuvefnum. Smelltu á Innskráning efst í hægra horni vafrans. Síðan er valið að STOFNA AÐGANG og skráningarformið sem birtist er fyllt út. Leiðbeiningar og tenglar í upplýsingar birtast með skráningarforminu. Kynntu þér vel hvernig velja á vinnustað, lykilorð og póstlista.

Þú verður fyrst að stofna aðgang til þess að geta síðar nýtt þér rafræna innskráningu með island.is.

Athugaðu:

  • Velja þarf vinnustað úr lista. Byrjaðu að skrifa nafn vinnustaðar þíns og þá fellur niður listi yfir alla vinnustaði sem passa við skilyrðin. Þú getur líka skrifað nafn innan úr heiti vinnustaðar svo sem Akranes. Hástafir og lágstafir skipta ekki máli. Veldu vinnustaðinn þinn með músinni. Ef listi fellur ekki niður, athugaðu þá hvort nafn vinnustaðarins sé rétt skrifað í reitinn. Ef þú finnur ekki vinnustaðinn þinn má velja Á ekki við.
  • Þú getur sett inn hvaða lykilorð sem er - þitt lykilorð. Með leiðbeiningunum sem birtast þegar þú ferð með bendilinn í lykilorðareitinn viljum við sýna hvað gerir lykilorð þitt sterkara og öruggara. Sterkt lykilorð inniheldur blöndu af hástöfum, lágstöfum og táknum.
  • Þú þarft að skrá þig á annan eða báða póstlistana hjá okkur til þess að ljúka skráningu. Póstlistarnir eru annars vegar fyrir viðskiptavini Landskerfis bókasafna (Gegnir/Leitir.is) og hins vegar fyrir starfsfólk aðildarsafna Sarps (Sarpur). 
    Sjá yfirlýsingu Landskerfis bókasafna: Meðferð persónuupplýsinga.

Þegar þú hefur stofnað aðganginn færð þú tölvuskeyti um að skráningin er staðfest.

Þú skráir þig inn með netfanginu og lykilorðinu sem þú bjóst til með því að smella á Innskráning. Þá ferð þú inn á Mínar síður sem sýna stjórnborðið. Byrjaðu á því að smella á > Breyta stillingum og fara yfir skráninguna þína. Breyttu því sem þú vilt breyta - til dæmis notandanafni. Einnig getur þú sett inn mynd af þér - það er skemmtilegra.

 

Á stjórnborðinu færð þú:

  • Yfirlit yfir verkbeiðnir sem þú hefur sent okkur, hvernig og hvenær þær voru afgreiddar
  • Lista yfir námskeið á döfinni
  • Lista yfir vefsíður á vef Landskerfis bókasafna sem þú hefur merkt í uppáhaldi - og tekið þær úr uppáhaldi
  • Spurt og svarað, algengar spurningar og svör
  • Alltaf möguleika á að smella á "Meira"

Stjórnborð á þjónustuvef LB og RS

Skoðaðu veftréð til vinstri til þess að sjá hvað er í boði á þjónustuvefnum.

Allir sem hafa stofnað aðgang að þjónustuvefnum

  • eru skráðir á póstlista Landskerfis bókasafna og/eða Rekstrarfélags Sarps og geta fylgst með fréttum og nýjungum hjá fyrirtækinu
  • geta sent inn fyrirspurn/beiðni um aðstoð
  • sjá allar leiðbeiningar fyrir kerfin
  • geta skráð sig á námskeið hjá Landskerfi bókasafna og Rekstrarfélagi Sarps
  • geta séð ítarlega tölfræði um eignir safnanna, nýtingu safnkosts og ýmislegt fleira

 

Sjón er sögu ríkari!

horizontal

fblikebutton_dynamic_block