Gegnir

Gegnir er bókasafnskerfi sem byggir á Aleph 500 kerfinu frá Ex Libris. Gegnir er alhliða, samhæft bókasafnskerfi sem nýtist í helstu rekstrarþáttum bókasafna. Þeir eru: aðföng, bókfræðiskráningu, umsjón tímarita, útlán og  millisafnalán.

Langflest bókasöfn landsins eru aðilar að Gegnissamlaginu en í ársbyrjun 2016 voru 306 söfn aðilar að kerfinu. Gegnir sinnir öllum tegundum safna eins og Landsbókasafni Íslands, almennings-, skóla- og sérfræðisöfnum. Gegnir er samlag bókasafna sem eru með eina sameiginlega skrá sem hýsir upplýsingar um alla titla í kerfinu, hefur yfirsýn yfir safnkost og útlán hans og hýsir samskrá íslenskra bókasafna.

Sé farið í Leit í Gegni er leitað í Gegni, safnkosti íslenskra bókasafna. Vilji notendur víðari leit, svo sem að leita einnig í erlendu gagnassöfnunum á Hvar.is, Sarpi, Hrizlunni, Skemmunni þarf að fara á Leitir.is.