Skráningarráð

Hlutverk Skráningarráðs Gegnis er að fylgjast með og setja reglur um skráningu bókfræðiupplýsinga í Gegni með það að markmiði að tryggja gæði og samræmingu þeirra í kerfinu. Öllum sem skrá í Gegni ber að framfylgja mótaðri gæðastefnu og hlíta þeim reglum sem Skráningarráð setur. Allir skrásetjarar þurfa að skrá sig á póstlistann Vanda.

Ábendingum um villur í Gegni skal beina til ritstjóra Gegnis.

Skráningarráð Gegnis starfar á vegum Landskerfis bókasafna hf. sem skipar fjóra skráningarsérfræðinga í ráðið og setur því erindisbréf. Bókasafnsfræðingar tilnefndir af stjórn notendafélagsins Aleflis og Landsbókasafni eiga sæti í ráðinu.

Þann 6. júní 2023 var haldinn hugarflugsfundur um hlutverk og verkefni skráningarráðs Gegnis. Tilefnið var breytt vinnuumhverfi skrásetjara og annara sem sýsla með safnkost í nýjum Gegni (Alma) sem og breytingar í starfsumhverfi bókasafna. Landskerfi bókasafna stóð fyrir fundinum sem haldinn var Þjóðarbókhlöðu. Þátttakendum, sem voru tæplega fjörutíu talsins var skipt í fjóra hópa sem unnu með jafnmargar spurningar. Niðurstöður hópavinnunnar má finna hér.

Hugarflug um skráningarráð í nýjum Gegni

Erindum um beitingu skráningarreglna skal beina til Skráningarráðs.

Samþykktir
Skilyrði til skráningarheimildar - 3. apríl 2025 Skyldur skrásetjara - 3. apríl 2025   Upplýsingar um skrásetjara er að finna á þjónustugátt Landskerfis. Athugið að það þarf að vera innskráður á þjónustugáttinni til þess að skoða síðuna. https://gegnir.freshdesk.com/a/solutions/articles/103000354246?lang=is&portalId=103000091577