2

Main content

main

Tiltekt í vanskilum

Tiltekt í vanskilum

Eitt af mikilvægum verkefnum bókasafnanna er að hreinsa upp gömul vanskil.

Bréf send til bókasafnanna:

Algengar spurningar:

Hvers vegna þarf að hreinsa upp gömul vanskil?
Útlánaupplýsingar yfir gömul vanskil verða ekki fluttar yfir í nýtt kerfi. Hins vegar verða öll eintök flutt yfir í nýtt kerfi og þá lítur út fyrir að löngu týnd eintök séu komin upp í hillu. Það gefur lánþegum ranga mynd af safnkostinum og skapar óþarfa vinnu og vandræði fyrir starfsmenn sem eyða dýrmætum tíma í að leita að eintökum sem alls ekki eru til á safninu.

Getur Landskerfi bókasafna ekki gert þetta vélrænt?
Nei, því miður þá er það ekki hægt. Þessi vinna verður að gerast handvirkt á hverju safni fyrir sig.

Hvar get ég nálgast lista yfir gömul vanskil í mínu safni?
Á hverjum sunnudegi verður til ný útgáfa af vanskilalistum yfir gögn sem eru komin meira en 1 ár frá skiladegi.  Listarnir eru aðgengilegir undir „Skráarlisti“ í bleika flipanum í útlánaþætti. Heiti skráarinnar er SAFNKÓÐI_vanskil_1ar.

  • Dæmi: Bókasafn Seltjarnarness sækir listann sem heitir SELAA_vanskil_1ar.

Sjá nánari leiðbeiningar á þjónustuvef Landskerfis bókasafna undir Gegnir > Listar og rukk > Prenta út lista yfir útlán, vanskil og rukk (https://www.landskerfi.is/leidbeiningar/gegnir/listar-og-rukk/prenta-ut-lista-yfir-utlan-vanskil-og-rukk)

Hvernig eyði ég gömlum vanskilum?
Ef ekki gengur að innheimta gömul vanskil frá lánþegum, þá þarf að eyða eintakinu alveg út úr kerfinu.

  1. Skila eintakinu af korti lánþegans
  2. Gera ráðstafanir á korti lánþegans, t.d. varðandi sektir eða bætur fyrir eintakið (ef við á)
  3. Fara yfir í skráningarþátt og eyða eintakinu alveg út úr Gegni
    - sjá leiðbeiningar: https://www.landskerfi.is/leidbeiningar/gegnir/skraning-og-eintok/eyda-eintaki
  4. Meta hvort bókasafnið þurfi að kaupa annað eintak í staðinn

Athugið sérstaklega:
Það er ekki nóg að merkja útlánið sem "Týnt" eða "Talið skilað". Eintakið telst samt vera í vanskilum ef þetta er gert!

 

horizontal

fblikebutton_dynamic_block